gohu....gohu...!!! pe sadaaap do e ini asinan Manado kang

Rabu, April 20, 2011


gohu......

sapa kang yang nyanda suka gohu (klo so pernah rasa).....? 
baru jo mo cumu depe nama so beking malele gidi-gidi. tore-tore depe popaya mangkal kong asang pidis depe kuah bakasang....hmhmhmmmm....mato' dang so basuar kase abis.


upload gohu tadi di fb, nyanda sampe 1 menit do'e so pe banyak tu komen maso. 
Dari Makassar jo so tantu-tantu, Menado, Jakarta, Balikpapan, Banjarmasin, Malaysia sampe Perancis!!!...dodoeeee...samua ngoni kote' suka kang!...malah sepupu ijin ngetag ke sodaranya yang lagi hamil di Bandung.

Mamie kwa yang beking akang ini gohu kong bawa pa Olling, kita pe kakak pe rumah. Torang tadi rame-rame makan tinutuan deng milu rubus, mairo goreng, cakalang fufu deng dabu-dabu tarasi disana.

Nanti jo laeng kali mo beking ulang, bungkus kong kirim pa ngoni yang tadi so komen, berbage satu-satu samua dapa...tunggu jo!

You Might Also Like

1 komentar

Subscribe